ਹੋਈਆਂ ਤੇਰੀਆਂ ਤੇ ਮੇਰੀਆਂ
ਜੋ ਦੂਰੀਆਂ
ਮੈਂ ਜਾਣਦਾ ਹਾਂ
ਤੇਰੀਆਂ ਮਜ਼ਬੂਰੀਆਂ .
ਜਿਸ ਜੱਗ ਤੋਂ ਤੂੰ
ਡਰ ਕੇ ਬਹਿ ਗਿਓਂ
ਉਸ ਜੱਗ ਨੇ ਨਾ ਪਾਈਆਂ
ਕਦੇ ਪੂਰੀਆਂ.
ਹੀਰ ਖੇੜੇ ਤੋਰੀ
ਰਾਂਝਾ ਜੋਗੀ ਹੋ ਗਿਆ
ਹੀਰ ਮਾਰ ਸੁੱਟੀ
ਕੁੱਟਦੀ ਸੀ ਜੋ ਚੂਰੀਆਂ.
ਨਾ ਕੋਈ ਜਾਣੇ ਇੱਥੇ
ਰਿਸ਼ਤੇ ਦੀ ਸੁੱਚ ਨੂੰ
ਝੂਠੀ ਅਣਖ ਦੇ ਨਾਂ ਤੇ
ਮੱਥੇ ਘੂਰੀਆਂ .
ਮੇਰਾ ਦਿਲ ਰੋਵੇ
ਅੱਖ ਸੁੱਕੀ ਦਿਸਦੀ
ਬਿਲ ਬੀਆਬਾਨ
ਸਧਰਾਂ ਅਧੂਰੀਆਂ .
ਜਾਹ ਸੁਖੀ ਵੱਸੇਂ
ਰੱਖੇ ਜਿਥੇ ਦੁਨੀਆਂ
ਮੈਂ ਜਾਣਦਾ ਹਾਂ
ਤੇਰੀਆਂ ਮਜ਼ਬੂਰੀਆਂ .
(੧੧/੪/੧੧ ਸ਼ਾਮੀਂ ਕਰੀਬ ੭ ਵਜੇ)
No comments:
Post a Comment