ਹੁਣ ਜ਼ਹਿਰ ਦੇ ਜਾਂ ਜਾਮ ਦੇ
ਕਿਓਂ ਹੈਂ ਖਾਮੋਸ਼ ਦੋਸਤਾ
ਕੋਈ ਇਸ਼ਕ਼ ਦਾ ਇਨਾਮ ਦੇ
ਮੇਰੀ ਚਾਹਤ ਦੋਸ਼ ਹੈ ਜੇ ਮੇਰਾ
ਮੈਨੂੰ ਬਖਸ਼ ਨਾ ਪਲ ਭਰ ਲਈ
ਮੈਨੂੰ ਚਾੜ੍ਹ ਸੂਲੀ, ਮੈਨੂੰ ਮੌਤ ਦੇ
ਮਰੀ ਚਾਹਤ ਨੂੰ ਸਨਮਾਨ ਦੇ
ਕਿਓਂ ਹੈਂ ਖਾਮੋਸ਼ ਦੋਸਤਾ
ਕੋਈ ਇਸ਼ਕ਼ ਦਾ ਇਨਾਮ ਦੇ
ਮੇਰੀ ਚਾਹਤ ਤੇ ਮੇਰਾ ਵੱਸ ਨਹੀਂ
ਨਾ ਚਾਹੁਣਾ ਤਾਂ ਤੇਰੇ ਵੱਸ ਹੈ
ਜੋ ਹੈ ਵੱਸ ਤੇਰੇ ਓਹ ਕਰ ਪੂਰਾ
ਧਰ ਮੇਰੇ ਸਿਰ ਕੋਈ ਇਲ੍ਜ਼ਾਮ ਦੇ
ਕਿਓਂ ਹੈਂ ਖਾਮੋਸ਼ ਦੋਸਤਾ
ਕੋਈ ਇਸ਼ਕ਼ ਦਾ ਇਨਾਮ ਦੇ
ਬਿਨ ਬੋਲਿਆਂ ਸਭ ਕੁਝ ਜਾਣਦੈਂ
ਮੇਰੇ ਬੋਲ ਤਾਂ ਖਾਮੋਸ਼ ਨੇਂ
ਮੇਰੇ ਦਿਲ ਦੀ ਹੂਕ਼ ਨੂੰ ਸੁਣ ਜਰਾ
ਮੈਨੂ ਦਰਦਾਂ ਦਾ ਕੁੱਝ ਦਾਨ ਦੇ
ਕਿਓਂ ਹੈਂ ਖਾਮੋਸ਼ ਦੋਸਤਾ
ਕੋਈ ਇਸ਼ਕ਼ ਦਾ ਇਨਾਮ ਦੇ
ਅੱਗ ਵਾਂਗ ਸੁੱਚਾ ਇਸ਼ਕ਼ ਹੈ
ਇਸ ਦਾ ਸੇਕ ਡਾਢਾ ਅਜੀਬ ਹੈ
ਸੇਕ ਮੇਰੇ ਲਈ ਤੇਰੇ ਲਈ ਸੀਤ ਹੈ
ਇਸ ਦੀ ਫਿਤਰਤ ਨੂੰ ਕੁੱਝ ਮਾਨ ਦੇ
ਕਿਓਂ ਹੈਂ ਖਾਮੋਸ਼ ਦੋਸਤਾ
ਕੋਈ ਇਸ਼ਕ਼ ਦਾ ਇਨਾਮ ਦੇ
ਤੇਰਾ ਦਿਲ ਜੇ ਕਿਧਰੋਂ ਵੀ ਮੋਮ ਹੈ
ਮੇਰੀ ਰੂਹ ਨੂੰ ਜਰਾ ਤਸਕੀਨ ਦੇ
ਮੈਂ ਨਹੀਂ ਮੰਗਦਾ ਕੋਈ ਹ੍ਕ਼ੂਮਤਾਂ
ਬੱਸ ਗੀਤ ਮੈਨੂੰ ਇੱਕ ਗਾਣ ਦੇ
ਕਿਓਂ ਹੈਂ ਖਾਮੋਸ਼ ਦੋਸਤਾ
ਕੋਈ ਇਸ਼ਕ਼ ਦਾ ਇਨਾਮ ਦੇ
ਹੁਣ ਜ਼ਹਿਰ ਦੇ ਜਾਂ ਜਾਮ ਦੇ
ਕੋਈ ਇਸ਼ਕ਼ ਦਾ ਇਨਾਮ ਦੇ
--------------------------------------
- ਗੁਰ ਕ੍ਰਿਪਾਲ ਸਿੰਘ ਅਸ਼ਕ (੩/੪/੧੧ ਰਾਤੀਂ ਕਰੀਬ ੯ ਵਜੇ )
No comments:
Post a Comment